YALIYO JIRI MKOANI RUVUMA NA MKONGWE WA HABARI ADAM NINDI

Mhashamu Askofu Mkuu wa Jimbo la Mbinga Johhn Komba akipata wakafu wilayani mbinga wakufu alio pewa na Kadinali Pengo, kushoto kwake ni mhashamu askofu Norobet Mtega

ADAM MZUZA NINDI–SONGEA -
Mhashamu Askofu Mkuu wa Jimbo la Songea Norbet Mtega amewataka wahitimu wa Chuo cha Mtakatifu Joseph kutumia elimu waliyoipata kwa kuleta Maendeleo na sio elimu hiyo kutumia kwa kuwahujumu Wananchi.

Mhashamu Norbet Mtega ameyasema hayo wakati akitoa Hotuba kwa wahitimu 20 ambao 15 walitunukiwa Shahada na 5 Sitashahada katika Chuo cha Mtakatifu Joseph kilichopo Ruhuwiko Manispaa ya Songea mkoani Ruvuma

Mhashamu Askofu wa Jimbo la Songea Norbet Mtega amesema nia ya Teknolojia ni kuleta Maendeleo, lakini Teknolojia hiyo hiyo inaweza kuwa sumu kwa watu wahitimu wanaweza kutumia elimu hiyo kwa kuangalia mitandao ya ngono na kusababisha ongezeko la ukimwi badala ya maendeleo tarajiwa..

Mhashamu Askofu Mkuu wa Jimbo la Songea Norobet Mtega amewataka wa hitimu kuwa na moyo wa upendo kufanya kazi kwa bidii wakitumia elimu waliyo ipata kwa kuboresha maswala ya uchumi kuangalia soko la mazao mbali mbali kupitia mitandao

Wazazi walioshuhudia Wahitimu 20 wakitunukiwa Stashahada na Shahada wamesema ni vizuri Vijana wasomi wanaohitimu wakalenga kupeleka elimu waliyoipata Vijijini ambako Teknolojia hiyo inahitajika zaidi.

Mwenyekiti wa Chuo cha DMI Afrika kutoka India Jorog Arulraj amewataka wanachuo waliopata Shahada na Star Shahada kutumia vyeti hivyo kwa kutangaza maadili mazuri ya Chuo cha Mtakatifu Joseph kwa kufanya kazi ambazo zitatangaza sifa nzuri za Chuo kwa kufanya kazi zenye tija kwa Wananchi walioko pembezoni.

Mwenyekiti wa DMI Afrika Jorog Arulraj amesema Chuo cha Mtakatifu Joseph kitakuwa ukombozi kwa upande wa Kilimo, Chuo hicho kwa Mwaka 2013 – 2015 kinatarajia kuwa na Wanachuo 3000, pia DMI inatarajia kutumia Bilioni 1 kwa ajili ya kuendeleza Chuo cha Kilimo cha Mtakatifu Joseph kilichoko manspaa ya songea mkoani Ruvuma.